لي باغي يتزوج يجي عندي هنا نلبسه كوستيم ونطلقه عند مرته يجري

ســـلام عـليكـم

كـي راكم دايـرين ؟ كويـسيـن ولا تلات كيسـان

والله غير نضت من النـعاس طاح عليا موضوع فالـراس بصح الحمد لاباس ماصـرالي والـو راسي صـحيح وخشين نضرب بغل بدماغ خنونته تكتب فالحيط يا أمين سمحلي مانعـاودش

المهـم الفـايدة والحـاصول. آآه نتفاهمو مـليح أنا ندي الفايدة ونتوما دو الحـاصول

بـاغي نقولكم واش لي طاح في راسي وراني حشمان منكم

قـولو والله مانضـحكو عليـك

شـوفو ندخلو في صـلب المـوضوع واجدين ولا نايمين ؟

شـوفو كترت بـزاف فالصيف لـعراس وكيما هو معروف

معروف على وزن خـروف

الصيف غير تاع عـراس وغير لبارح خدمت عـرس راني ميت بالعياء

أنا فكرت وخممت على البايرين والبايرات لي راهم عندنا هـنا

وقلت أي واحد سيليباير يحط دوصيي تاعو عندي وأنا نزوجو وكل شي على حساب المنتدى

باغيين تعرفو كيفاش ؟على بالي ماطاحتلكمش في بالك هدي الفكرة الفاكرة

نبدو من الأول أنا ندبرلو بنت حلال

عارفين منين ولالا؟

منـا تـعارف وأعضـاء جـدد

نعرفوه بكاش وحدة أنوشة تليق بيه

وادا مالقاش تم وماعجباتهش حتى وحدة نجيبوه هنا وهي الفرصة تالية تاعو

واحة حواء

أيا هنا يدير القلب ويتكل على الرب ويتقدم

وكي يتقدم ندوه يجهز للمرى تاعو ويديرلها المهر تاعها

هنا المجوهرات والاكسسوارات

وماننساوش واك خاصه يعمر دارو حنا تاني ماسمحناش فيه

نديه هنا لهدا الحانوت كاش مايدي صوالح

الأثاث والديكورعلى وزن البنات والكونتور يدور هه

وراكم تعرفو النسا الغيرة قاتلتهم سيرتو كي تشوف جارتها دارت سيارة وغادي سي سور تهبلو

مي حنا ندوه هنا نجيبولو وحدة بالتسقيط

منتدى السيارات نجيبولو ماروتي

مسكينة العروسة نسيناها غادي نتافق مع وحدة هنا تكون صديقتي باش تديها كاش ما تجهزها

ونقولها تديها هنا وتتهلى فيها

تجهيز العرائس الأزياء والأناقة ودور بيها شوية تشريلها شوية سباغة تاع الوجه العطور والمكياج

أيا وفي شـهر العـسل يفوتوها كي البصل تفاهمنا باش ندوهم هـنا

يفوتو لي فاكانس عالم البحار والمحيطات كاش مايتبردو ويتشبلقو

وان شاء الله ربي يرزقهم بدراري

حنا تاني دراري ومانسيناهمش تافقنا باش نحطوهم هنا كي والديهم يمشو للخدمة

الطفل والطفولة

ولكل بداية نـهاية وكي مايتفاهموش ويحبو يطالقو ماعليهم غير يجو عندنا ندوهم

لشؤون قانونية وسيدي الحاكم هو لي يحكم




وفي الأخـير نتـمنى أنه عـجبكم الـموضوع لي هـو ناشـف ويركب الرومـاتيز

وطـويل واقيـلا

نـقولكم فالأخير نحبـكم ومانحبش لي يحبكم باش نحبكم غير وحدي